Çend temî li dê û bavan, bo perwerdekirina zarokan:

- Pêwistiyên zarokan îhmal nekin

- Zarokan li dijî hevûdu bikarneynin

- Zarokan nekin efendiyê malê

- Bi zarokan re samîmî bin lê nebin heval, bibin dê û bav

- Zarok bi îmaj û fîgûrên dê-bavê kesayetiya xwe avadikin

- Bav divê di rola bav de be, nikare jî divê hewl bide

- Dê divê di rola dê de be, nikare jî divê hewl bide

- Bav divê pasîv û sist nebe

- Dê divê nebe şefê malbatê, xwe nexe rola bavê

- Ti carî li cem zarokan hevûdu biçûk nexin

- Xeta yan şaşitiyek kirin, bi zarokan nekenin, henekên xwe nekin û nehêlin kesên din jî bikin

- Fobî normal in, em mezin jî ji hinekê tiştan ditirsin. Bi tirsên zarokan henekan nekin

- Derew parçeyek ji jiyana me mezinan e. Bo derewan ceza nedin zarokan, tenê bila bêî sedem derewan nekin

- Carnan mamoste sûcên xwe davêjin dê û bavan. Heger dersên zarokan nebaşbin, ev sûcê mamosteyan e jî. Bi gotina mamosteyan dilê zarokên xwe negirin

- Zarokên xwe ji xetereyan biparêzin, bi kî re hevaltiyê dike, diçe ku bizanibin. Jibîr nekin zarok bêhtir bi zimanê laşî diaxivin.

- Dîroka Kurdan fêrî zarokan bikin. Lewra asîmîlasyon û mobînga bêdewletbûnê xwebaweriya zarokan kêm dike.

- Heya ji we tê pesnê zarokên xwe bidin

- Heya ji we tê zarokên xwe bişînin qursên geşedanê bipêşdixin

- Ti carî zarokan ji malê nekin der

- Ti carî pereyên zêde nedin zarokan lê wan ji pêwistiyên serdemê jî mehrûm nekin

- Dema keçik yekem serêmehê dîtin, wan pîroz bikin û diyariyekê bidinê

- Helbet kes cudatiyê naxe nav zarokên xwe. Lê dîsa jî girîngiyê bidin biçûkan û keçikan

- Miheqeq Îngilîzî fêrî zarokan bikin

- Bi qasî cezayê, xelatkirinê jî bikarbînin

- Bo notên şikestî cezayê nedin zarokan

- Bo exlaqê ceza bidin, lê bo performansê na

- Gorî temenê zarokan têkilî daynin, mezinan nekin biçûk û biçûkan jî nekin mezin

- Di cezakirin û xelatkirinê de birehm bin

- Biryarên hevpar nedin gotûbêjkirin

- Dê-bav divê bibin mînak ku bikaribin ji zarokan jî bixwazin

- Gorî temenê pere bidin zarokan, bo mezinan hinekê zêde

- Zarokan him li malê, him jî di karên derve de bidin xebitandin, lê wan neêşînin

- Heya 12 salî telefonê nekirrin bo zarokan, dikirrin jî bila ji telefonên berê bin, bêî ekran bin

- Beriya razanê telefon û teknîkên din, ji destê zarokan bigirin

- Di nava hefteyê de rojê herî zêde 1 saet îzna bikaranîna teknîkê bidin zarokan, lê divê beriya beriyê dersên xwe çêbikin

- Dawiya hefteyê herî zêde 3 saet dikarin teknîkê (PC, telefon ûêd) bikarbînin, lê divê îsbat bikin ku herî kêm 3 saet bi hevalan re lîstine yan werziş kirine

- Heya 12 salî destûra sosyalmedyayê nedin zarokan (Facebook ûêd)

- Heya 15 salî zarok mecbûr in şîfreyên sosyalmedyayê bidin dê-bavan, bêî ku bixwînin, carnan hesabên wan kontrol bikin. Lê ti carî behsa naverokê nekin lewra ew taybetiya zarokan e

- Heya 15 salî ti carî divê zarok nav û wêneyên xwe nekin profîlên sosyalmedyayê, mimkûn e qet jî nexinê

- Tevlî şerên zarokên hevtemen nebin, bihêlin bila bi xwe pirsgirêkên xwe çareser bikin

- Di dema balixbûnê de bêhtir birehm bin bo zarokan

- Hin lîstikên zayendî normal in, panîk nekin û ceza nedin

- Hin caran xetayên zarokan nebînin, daqultînin

- Ti carî pevçûnê dirêj nekin, cezayê wan bidawî bûn jî wekî berê tevbigerin, êdî hîç behsa bûyerê nekin

- Zarok ne milkê we ye, emanetê we ye

- Ti carî zarokên xelkê nekin serhevde

- Derfet hebe odeyên keç û kuran cuda bikin

- Piştî 2 salî bi zarokên xwe re ranezên, bes dikarin hevûdu himbêz bikin lê dema xewê hat bila herin nivînên xwe

- Ti carî bi şerefa zarokan nelîzin wan biçûk nexin

- Ti carî taybetmendî û behremeniyên zarokan gotûbêj nekin

- Zarokên xwe ji Fastfood û xwarinên hazir dûr bigirin

- Tenê di rojbûn an pîrozbahiyan de destûra Cola, Pepsi ûêd bidin zarokan, zarokên xwe fêrî avê û ava fêkiyan bikin

- Berê Kurdî fêrî zarokan bikin û li malê tenê bi Kurdî biaxivin. Hatiye îsbatkirin ku zimanê zikmakî zarokan bipêşdixe

- Heqaret û biçûkxistin ji şîdeta laşî ziyandartir in. Êşa şeqamê derbasdibe lê ya derûnî rêça xwe dihêle

Drn. Darius Winzer

X Twitter: https://x.com/Darius_Winzer

© Alle Rechte vorbehalten für Derûn Akademie, Interkulturelle Psychologie-, und Beratungsakademie gUG (haftungsbeschränkt) i.G.