Bêhnvedana Derûnî

Carnan navber bidin bo tevahiya xebatên xwe. Bifikirin hûn di rêwîtiyekê de ne ku 100 salan didome. Mole, navber, bêhnvedan nebe rêwîtî dibe jehr.

Ez behsa tetîlê, holidayê nakim. Ew jî ne azadî ye. Mirov pere dide hotelan û bo demekê kurt e. Plankirî ye, şablonkî ye. Tûrîst tûrîstan teqlîd dikin. Pêvajoyeke kirrî ye. Stresa frokeyan, checking, amadekirina çenteyan ûêd jî dera han. Hûn li hotelê ne azad in. Behsa moleya ruhî dikim.

Bifikirin -Xwedê neke- hûn ê hefteyek şûnde bimirin. Û çûne ber devê çemekê.

Ti tiştek nefikirin. Qejî bimirin. Xwelî li planên we, xebatên we be. Xemên we, tirsên we, deynên, poşmaniyên, pereyên, jin-mêrên, kariyerên, meqamên we bi qurbana kerê bin. Hemiyan bi avê de berdin.

Çavên xwe bigirin. Ji pozê xwe, bêvila xwe nefesek kûr û tije bigirin û di devê xwe de berdin der. 3-4 caran viya bikin. Çi hat aqilê we, wekî mirişkê kişû bikin, bikin der. Nehêlin tiştekê were hişê we. Hemiyan jibîr bikin. Navê xwe jî jibîr bikin. Bîrkirinê jî jibîr bikin.

Guh bidin dengê nefesa xwe. Çawa nefesê digirin hela hîs bikim. Ji dayikbûnê ve hûn vê nefesê digirin. Xwedê zane çendîn car e. 

Pişikên xwe bifikirin. Çiqas dost, paqij, têkûz û aram in. 

Zikê xwe, rûviyên xwe bifikirin. Çiqas dost, paqij, têkûz û aram in.

Eniya xwe bifikirin. Çiqas dost, paqij, têkûz û aram in.

Singê xwe de kêfê hîs bikin.

Zikê xwe de kêfê hîs bikin.

Eniya xwe de kêfê hîs bikin.

Bêhneke kûr û tije bigirin ji pozê xwe û di devê re berdin. Çavên xwe vekin.

Pênc dengên cuda bibîhîsin.

Pênc tiştên cuda bibînin.

Û herin çi dixwazin bikin.

Xêra xwe carnan mole bidin.

Darius Winzer

Kurteparvekirin Nr. 13

07.05.2024

© Alle Rechte vorbehalten für Derûn Akademie, Interkulturelle Psychologie und Beratungsakademie (in Gründung)